Les mots surlignés font l'objet d'une note
1Monseigneur, j’ay esté ce matin veoir monsieur de Vennes, lequel
2m’a commandé vous escripre ce que je pouvois avoir d’advance de l’argent
3que j’ay reçu de vous, affin que par ce moyen scachez ce qu’il me fauldra
4fournir pour l’advenir. Je receuz au despart de Grenoble la somme de IIc Livres.
5Dernièrement en ceste ville, je receuz IIIIxx Livres, comme vous verrez par le
6récépissé que j’en ay faict à monsieur le prieur de Vognolz que se
7monte de reçu IIc IIIIxx Livres. Sur cella, j’ay fourny d’extraordinaire tant
8pour la despence qu’avons faict puis Roanne jusques en ceste ville, que
9pour ce qui a esté nécessaire à monsieur de Gargas comme livres et
10accoustrementz et de qu’il a despendu en sa malladie la somme
11de VIxx XVIII Livres ou environ, ainsy qu’appert par les parties que j’en ay
12faictes au menu, lesquelles je vous envoyeray quant il vous
13plaira me le commander. Oultre cella, nous sommes au VIe mois de
14la despence qu’est la moytié de l’année. Vous pourrez veoir par
15là que je n’ay poinct d’advance qui m’est toutesfois bien nécessaire
16pour faire tousjours quelques provisions, atendu la grande charté
17qui est en ceste ville et de boys plus que d’aultre qu’on n’en
18peut mesme trouver pour argent et je n’ay le moyen de pouvoir advancer,
19qui me faict vous supplier très humblement qu’il vous plaise y pourveoir
20comme adviserez. Je n’ay receu encore aulcune nouvelles de monsieur
21de La Coste, ny argent, si ce n’est celluy que monsieur d’Anières me bailla,
22tellement qu’il m’est redevable de dix ou douze escuz. Je luy ay escript
23par deux ou trois fois sans en avoir aulcune responce. Au surplus, je
24mectz toute la diligence qu’il m’est possible à m’acquiter de la charge qu’il
25vous a pleu me donner. J’ey bonne espérance en Dieu qu’en recepvrez plaisir et
26contantement, pourveu qu’Il luy plaise nous entretenir en telle santé que nous
27sommes de présent.
28Monseigneur, je le supplieray de vous tenir en très longue et très heureuse
29vye. De Paris, ce XIXe novembre 1572.
30Vostre très humble et très obéissant
31Serviteur
32Jean Besson